O portal dos elfos de Herbie Brennan é unha trepidante novela que propón vivir unha aventura excitante, chea de acción, maxia, intriga, ciencia e fantasía que o lector non quere que remate nunca. Elixido nos Estados Unidos en 2004 como o "mellor libro para xoves" e xa traducido a vinte linguas, O portal dos elfos é a primeira parte dunha triloxía, á que segue The purple emperor, que publicará Edicións Xerais de Galicia dentro da colección Fóra de Xogo.
O irlandés Herbie Brennan vendeu cincuenta millóns de exemplares dos seus libros en cincuenta países. Estudou periodismo e traballou como editor nun xornal, mais dende mozo se interesou pola psicoloxía e polas liñas de investigación non ortodoxas. Vencellado, tamén, ao mundo da física e da tecnoloxía, é membro da Sociedade Investigadora de Física de Londres. Ademais da literatura, dedícase a deseñar xogos de mesa e programas informáticos.
]]> Mon, 09 Nov 2026 15:32:12 +0000 es Copyright 202 6BiblioEteca Technologies SL