Pan. Catro propostas arredor da malla. O pan xa non se amasa na artesa, senón en factorías deshumanizadas, nin vén do trigo mallado na eira, senón de fariñas industriais.

Estes cambios supoñen a transformación da nosa sociedade tradicionalmente agraria nunha globalizada.

A desparición do labor da malla simboliza eses cambios e inspira as catro historias que conforman Pan.

Do mesmo xeito que as mallas xuntaban a toda a aldea, Pan é o resultado dun longo e complexo proceso de creación colectiva no que se implicou todo o equipo de Volta e Dálle Teatro.

Catro autores con diferentes concepcións teatrais realizan as súas particulares interpretacións de cada paso que percorría o pan dende a leira á mesa.
]]> Sun, 18 Oct 2026 16:49:09 +0000 es Copyright 202 6BiblioEteca Technologies SL