O Anuario de Estudos Literarios Galegos inicia unha nova etapa, enmarcado no proxecto xeral da revista GRIAL, que se configura desta maneira coma un amplo espazo de produccións periódicas: Revista Galega de Cultura, Cadernos GRIAL e Anuarios.
Reforzamos un proxecto que naceu hai dez anos da man do profesor Xan González-Millán, na Universidade de Nova York, coa idea de servir de plataforma para a difusión de traballos de investigación literaria galega no mundo, e que ao longo deste tempo logrou convertirse nunha referencia obrigada para os estudos deste tipo. Co apoio da Fundación Caixa Galicia, que desde o primeiro día entendeu a ambición do proxecto, ao igual que fai co Grial e cos Cadernos Grial, o Anuario de Estudos Literarios Galegos (agora Anuario GRIAL de Estudos Literarios Galegos) chega a todos os centros universitarios onde a lingua e os estudos da literatura galega teñen presenza, dentro e fóra do noso país.
]]> Wed, 21 Oct 2026 02:05:18 +0000 es Copyright 202 6BiblioEteca Technologies SL